Научниците открија дека закиселувањето на Северниот Леден Океан е три до четирипати побрзо од другите океански басени, пренесува Агенција Анадолија (АА).
Според веста на „Гардијан“ (The Guardian), студијата реализирана од страна на истражувачи од Универзитетот „Џирнеи“ во Кина и Универзитетот „Делавер“ во САД, покажа дека Северниот Леден Океан, кој апсорбира една третина од јаглеродниот диоксид во атмосферата, станува покисел поради употребата на фосилни горива.
Во рамки на истражувањето, собрани се податоци од Северниот Пол во периодот од 1994 до 2020 година, кои потоа се споредени со податоците од океанските басени во други региони.
Откриено е дека закиселувањето на Северниот Леден Океан е три до четирипати побрзо од другите океански басени.
Брзото топење на морскиот мраз во регионот на Северниот Пол во последните 30 години ја забрза долгорочната стапка на закиселување.
Забрзаното губење на морскиот мраз ги забрзува емисиите на јаглерод диоксид во басените на Атлантикот, Пацификот, Индија, Антарктикот и суб-Антарктикот.
Научниците предвидуваат дека процесот би можел да се интензивира во следните неколку децении доколку продолжи топењето на морскиот мраз на западниот дел на Северниот Пол.
Истражувањето е објавено во списанието „Сајенс“ (Science).
извор: Агенција Анадолија (АА).
фото: Агенција Анадолија (АА).
