Светска банка (СБ) предвиде дека украинската економија ќе падне за 35 отсто во 2022 година поради уништувањето на производствениот капацитет, оштетувањето на земјоделското земјиште и намалената понуда на работна сила, јавува Агенција Анадолија (АА).
Банката соопшти дека се проценува дека повеќе од 14 милиони луѓе се раселени низ земјата поради војната.
„На земјата ѝ се потребни најмалку 349 милијарди долари за обновување и реконструкција во социјалните, производствените и инфраструктурните сектори“, се вели во соопштението на банката.
Ана Бјерде, заменик-претседателка на Светска банка за регионот на Европа и Централна Азија, рече: „Руската инвазија на Украина ја предизвика една од најголемите кризи за раселување на луѓето и нанесе голема штета на човечкиот и економскиот живот.“
„На Украина и понатаму ѝ е потребна огромна финансиска поддршка за проекти за обновување и реконструкција кои би можеле брзо да се започнат, додека непотребно беснее војната“, додаде.
извор: Агенција Анадолија (АА).
фото: Агенција Анадолија (АА).
