Еко-активисти денеска истурија супа од домати врз сликата „Сончогледи“ на Винсент ван Гог во Националната галерија во централен Лондон, јавува „Си-Би-Ес Њуз“.
Организацијата „Сопрете ја нафтата“ во соопштение изјави дека двајца демонстранти истуриле две лименки супа од домати врз сликата во 11 часот по локално време, барајќи од Владата на Велика Британија да ги прекине сите нови проекти за нафта и гас.
Activists with @JustStop_Oil have thrown tomato soup on Van Gogh’s Sunflowers at the national Gallery and glued themselves to the wall. pic.twitter.com/M8YP1LPTOU
— Damien Gayle (@damiengayle) October 14, 2022
Лондонската полиција соопшти дека двајцата активисти биле уапсени поради криминална штета и тежок прекршок откако „фрлиле супстанца врз сликата“ во галеријата на лондонскиот плоштад „Трафалгар“.
Галеријата потврди дека сликата била покриена со стакло, па затоа не била оштетена, објави Би-Би-Си. Протестната група соопшти дека сликата има проценета вредност од 84.2 милиони долари.
видео: TWITTER