Заедничка меѓувладина седница ќе одржат владите на Северна Македонија и на Албанија денеска во Скопје. На седницата официјални обраќања ќе имаат премиерите Димитар Ковачевски и Еди Рама.
Министри од двете земји ќе потпишат договори и меморандуми за продлабочување на соработката.
„Односите меѓу Северна Македонија и Албанија се на исклучително високо ниво, исто како што се на исклучително високо ниво и со другите соседни држави“, изјави вчера премиерот Ковачевски по увидот на реконструираната полициска станица во Гази Баба.
Владата се уште не кажа каква е агендата за денешната меѓувладина седница и посетата на делегацијата од Албанија, но, како што кажа вчера премиерот, по средбата веројатно ќе следува и прес-конференција со премиерот на Албанија Еди Рама.
Радио Слободна Европа