Аргентина по шокантниот пораз во првото коло од Саудиска Арабија, во саботата успеа да го победи Мексико со 2:0 и да се доближи до пласман во осминафиналето на Светското првенство.
По натпреварот фудбалерите на Аргентина со песна ја прославија победата во соблекувалната. Објавени се неколку видеа од соблекувалната, а на едното се гледа како најдобриот стрелец Лионел Меси го гази дресот на Мексико.
Тој потег ги налути Мексиканците, а најгласен беше боксерот Канело Алварез. “Го видов Меси како го чисти подот со нашиот дрес и знаме. Мора да му се моли на Бога да не го најдам. Исто како што јас ја почитувам Аргентина, тој мора да го почитува Мексико. Не зборувам за сите Аргентинци воопшто, но само за ова срање што го направи Меси во соблекувалната и она што сите го видовме“, рече Канело.
Canelo had some strong words for Messi after seeing his locker room celebration 👀
(via @canelo, nicolasotamendi30/IG) pic.twitter.com/emRRHK1nGO
— ESPN Ringside (@ESPNRingside) November 28, 2022
Мексиканецот многумина го сметаат за најдобриот боксер во светот надвор од тешка категорија и четирикратен шампион во супер средна категорија. Во кариерата има 58 победи, два порази и две нерешени.
фото: PRTSC
