Покренато ново обвинение ПРОТИВ осум хрватски државјани повторно уапсени во Замбија, јавуваат замбиските медиуми. И ова обвинение очекувано се однесува на обид за трговија со деца.
Во исто време, властите во Замбија ги откажаа дозволите за привремен престој што им ги издадоа на хрватските парови на крајот на јануари.
Во понеделникот, судот во Ндола, на барање на обвинителот, го прекина претходниот процес против четири хрватски парови за обид за трговија со четири деца од Демократска Република Конго.
Адвокатот што ги застапува Хрватите, Келвин Силвимба, потврди за Лусака Тајмс дека обвинителите повторно ги обвинија за обид за трговија со деца, како и досега.
Тој потврди и дека се наоѓаат во притворот Кансенши во Ндола.
Според новото обвинение, за кое се уште не се познати детали, освен дека се однесува на истиот случај како и досега, обвинети се Дамир Магиќ, Надија Магиќ, Зоран Субошиќ, Азра Имамовиќ Субошиќ, Ладислав Першиќ, Александра Першиќ, Ноа Краљевиќ и Ивона Краљевиќ. . Тие треба повторно да се појават на суд следната недела.
index.hr