Двајца пилоти загинаа кога воените авиони со кои летаа се судрија над Гвидонија Монтечелио, на речиси 35 километри североисточно од Рим.
Едниот од лесните авиони се урна на земја во воздухопловната база Гвидонија, а другиот на паркиран автомобил на улица. Други повредени нема, јавуваат италијанските медиуми.
https://twitter.com/oldirtyronin/status/1633081245667082242?ref_src=twsrc%5Etfw%7Ctwcamp%5Etweetembed%7Ctwterm%5E1633081245667082242%7Ctwgr%5E9e3a42932072195dcde71a9f16c8afa3ccbacb13%7Ctwcon%5Es1_&ref_url=https%3A%2F%2Frepublika.mk%2Fvesti%2Fsvet%2Fdva-aviona-se-sudrija-vo-vozduh-vo-blizina-na-rim-pilotite-zaginaa%2F
Полицијата и итната помош биле испратени на местото на настанот. Според првичните информации, во несреќата учествувале два стари воени авиона.
Двата ултралесни авиона „У-208“ му припаѓаат на 60-тото крило на италијанските воздухопловни сили. Како што се дознава, еден од двата авиона, користени за обука, удрил во автомобил паркиран недалеку од некои куќи, а другото возило паднало на ливада.
Авионите летале како дел од однапред испланирана мисија за обука, а причината за несреќата сè уште не е позната.
