И овој месец зголемување на потрошувачката кошничка – во јули изнесувала 48.620 денари

0
155

Во јули годинава на едно четиричлено семејство му биле неопходни 48.620 денари за задоволување на минималната синдикална кошница, што е зголемување за 441 денар во однос на минатиот месец.

Вакви се пресметките на Сојузот на синдикати на Македонија (ССМ). Според ССМ, 20.004 денари или 44,6 отсто од потрошувачката кошничака се за исхрана и пијалаци, а потоа 13.664 денари, за домување, односно 30,46 отсто од потрошувачката кошничка.

3,247 денари или 7,24 отсто за хигиена, 3,720 денари или 8,29 отсто за превоз, 2.327 денари за облека и обувки, 1.068 денари за култура и 822 денари за одржување на здравје, наведува ССМ.

„Вкупно за сите потреби биле потребни 44.853 денари, а кога на тоа ќе се додадат трошоците на животот 3.768 денари или поточно инфлацијата од 8,4 отсто се доаѓа до сумата од 48.620 денари“, наведуваат од ССМ.

Оттаму додаваат дека иако се намалува инфлацијата од месец за месец и за јули изнесува 8,4 отсто, сепак минималната кошница е зголемена од претходниот месец јуни за 441,00 денар.

фото: Архива