Вработен на кардиохирургија ги нападнал медицинската сестра и директорот

0
128

Вработен на Клиниката за кардиохирургија, со иницијали С.Ј. денеска вербално нападнал медицинска сестра, потоа физички го нападнал директорот на Клиниката и на крај сам се пријавил во полиција, соопшти Министерството за внатрешни работи (МВР).

За случајот е известен и јавен обвинител и се преземаат мерки за расчистување на настанот.

Дел медиуми јавија дека станува збор за доктор Сашко Јовев, поранешен директор на Клиниката. Тој за „Фокус“ вели дека не е точно дека тој нападнал. Докторот во полиција пријавил вербален напад и буткање во кое има повреда на окотот. Докторот вели дека лежи на Кардиологија заради стрес и, како што вели, е жртва на секојдневен мобинг.

Јовев, во јуни беше разрешен од директорската функција, поради утврдени пропусти во неговото работење, соопшти тогаш Министерството за здравство. Докторот тогаш посочи дека се сомнева оти „пропустите“ се причина за неговото разрешувањето. Јовев објасни дека пред разрешувањето се соочил со притисоци поради направена грешка во протоколот за отворањето на новата сала за одржување пациенти додека за нив не бидат обезбедени органи за трансплантација. На настанот не присуствувал министерот, оти, како што објаснил доцна добил покана, а пред него покана добил премиерот.

 

 

 

slobodnaevropa.mk