Индија моќна сила во областа на дигиталните услуги, за една година создадени половина милион работни места

0
224

Изминатата деценија беше сведок на голема дигитална трансформација, а Индија се појави како моќна сила во областа на дигиталните услуги. Импулсот беше толку голем што дури и пандемијата не успеа да го запре напредокот. Технолошката индустрија таму масовно го зголеми бројот на работни места и го зајакна стартап-екосистемот. Индискиот ИТ-сектор порасна за дополнителни 30 милијарди долари минатата година и сочинува 51 отсто од извозот на услуги во Индија.

Двигател на промени

Бројките се навистина импресивни и потсетуваат на оние што обично се поврзуваат со Кина. Индиската ИТ-индустрија лани отворила дополнителни 450.000 работни места, а дури 45 отсто биле пополнети од жени. Индија е дом на повеќе од 25.000 технолошки стартапи.

Технологијата стана најголемиот двигател на индустриските и општествените промени, а аналитичарите укажуваат на трендовите што би можеле да ја обликуваат „техада“, комбинација од зборовите технологија и декада, измислени од индискиот премиер Нарендра Моди: ИТ ќе биде основа на кој било бизнис, ќе се појави нова ера во технологијата.

 

извор/фото: агенции