More

    Разрешување на пратеник од работно тело без одлука на комисијата за избори и менување е врв на недемократијата на СДСМ и ДУИ, Талат Џефери сам призна дека е неделовнички, велат од ВМРО ДПМНЕ

    СДСМ-ДУИ повторно брутално го газат Уставот и деловникот на Собранието. Тие 4 минути пред почеток на пленарната седница на Собранието вметнаа точка за разрешување на пратеник од позицијата член на Комисијата за избори и менувања, само затоа што не им е дел од коалицијата. Јавноста виде дека СДСМ и ДУИ кршат процедури, кршат норми и ја погазуваат волјата на граѓаните само за да постигнат тесно партиски интереси. Разрешување на член на работно тело без предлог одлука на Комисијата за избори и именување е врв на недемократските методи на власта, се вели во соопштението од ВМРО ДПМНЕ. Во истото се додава:

    Впрочем дека ова е неделовнички начин на работа на собранието тврдеше и самиот Талат Џафери пред само две недели во интервју за национална телевизија. Тој самиот потврди дека не може на пленарна седница да донесе било каква одлука за разрешување на член на работно тело, доколку претходно не расправало за тоа матична комисија.

    Цитираме:

    „Дали разбирате, на „пленарка“ треба да дојде од Комисијата!? Некој замислува на сила на пленарна седница. Како на пленарна седница ќе оди материјал кој што не дошол од соодветна комисија? Дали разбирате што зборувам? Кој мисли да спроведе полуделовнички нека дојде нека го спроведе. Или ќе се спроведе деловнички или НЕМА да се спроведе. Како ќе поминете, точка на дневен ред да ставам јас сега, како ќе потпишам решение за седница со точка на дневен ред која што не е изворно од соодветната комисија“, рече Талат Џафери на 17-ти февруари.

    Сега две недели подоцна  точката за разрешување на пратеник од работно тело е поминато на соодветна работна комисија ама власта шверцерски ја става на пленарна седница да се одлучува. Ете го кршењето на Деловникот и на Уставот и за тоа самите се свесни.

    Очигледно СДСМ и ДУИ не гледаат на пратениците како избраници на народот, а на комисиите како простор за дебата, туку како на машинерија за гласање на нивните штетни и погрешни политики.

    Водени од намерата брзо да го разрешат пратеникот од позицијата во Комисијата, тие направија грешка со повикување на погрешни членови  од Уставот и деловникот. Пратениците се директно избрани од граѓаните, а не именувани лица од страна на Собранието на Република Македонија.

    СДСМ и ДУИ се во очај. Почнаа на очиглед на јавноста да кршат закони за да издејствуваат некој партиски интерес, но на се доаѓа крај, па и на нивното самоволие и насилие.

    spot_img

    Последни Вести

    spot_imgspot_img

    Слични Вести

    Skopje
    broken clouds
    -0.2 ° C
    -0.2 °
    -0.2 °
    47 %
    8.2kmh
    75 %
    Sun
    -0 °
    Mon
    0 °
    Tue
    2 °
    Wed
    2 °
    Thu
    -1 °
    spot_imgspot_img