Комисијата ќе препорача укинување на сертификатите за влез во моловите, но за влез во кафеани и ресторани да останат

0
250

Комисијата за заразни болести по одржаниот состанок одлучи да препорача до Владата да се укинат задолжителното поседување на сертификати за вакцинација, за влез во моловите. Сега, повторно ќе има нова кампања за да се поттикне вакцинацијата, но без оваа рестрикција. Сертификатите за влез во кафеани и ресторани, остануваат.

-Да се препорача укинување на задолжителните сертификати за во молови, односно онаму каде не е задолжително носење на маски. Ова е олеснување на рестриктивните мерки. Ќе бидеме внимателни, рече д-р Александар Петличковски, претседател на Комисијата.

Портпаролот на Комисијата д-р Злате Мехмедовиќ додаде дека оваа мерка не е целосно укината. Мехмедовиќ кажа дека фокусот е на подигнување на квалитетот на имунитетот кој ќе биде основа за понатамошно олабавување на мерките.