И вториот обид за евакуација на цивили од опколениот украински град Мариупол не е успешен, додека Русија и Украина меѓусебно се обвинуваат за прекршување на привременото примирје. Во меѓувреме, борбите продолжуваат низ другите делови на Украина.
Вториот обид за евакуација на цивили од опколениот украински град Мариупол не беше успешен. Сепаратистите поддржани од Русија и украинските власти се обвинуваат меѓусебно за неуспехот да се воспостави хуманитарен коридор надвор од градот.
Евакуацијата на некои од 400.000 жители заробени од руските сили кои го опколија градот требаше да започне денеска напладне, според привремениот прекин на огнот којшто беше предвидено да трае до 21 часот по локално време.
Советникот на украинското Министерство за внатрешни работи, Антон Герашченко изјави дека планираните евакуации по означените хуманитарни коридори се стопирани поради континуираното руско гранатирање.
извор/фото: Радио Слободна Европа