Американската вселенска команда потврди дека научниците го откриле првиот познат меѓуѕвезден метеор што некогаш ја погодил Земјата, пренесува Агенција Анадолија (АА).
„Метеорот, кој е познат како CNEOS 2014-01-08, слетал вдолж североисточниот брег на Папуа Нова Гвинеја на 8 јануари 2014 година“, „Си-ен-ен“ цитира документ на американската вселенска команда.
„Откритието беше изненадување за Амир Сираџ, кој го идентификуваше објектот како меѓуѕвезден метеор во студијата во 2019 година што тој ја напишал додека бил на додипломски студии на Универзитетот „Харвард““, објави медиумот.
Се додава дека Сираџ работел заедно со Абрахам Лоеб, професор по наука од Универзитетот „Харвард“, за да го истражат „Оумуамуа“, првиот познат меѓуѕвезден објект на Сончевиот Систем откриен во 2017 година.
Лоеб и Сираџ не можеа да ги објават своите наоди во списание бидејќи нивните податоци потекнуваат од базата на податоци CNEOS на НАСА, која не вклучува информации како што е точноста на мерењата.
По долгогодишни обиди да ги добијат потребните информации, тие добија официјална потврда од Џон Шо, заменик-командантот на Американската вселенска команда, дека всушност се работи за меѓуѕвезден метеор.
„Д-р Џоел Мозер, главен научник на Командата за вселенски операции, компонента на службата за вселенски сили на САД во Вселенската команда на САД, ја разгледа анализата на дополнителните податоци достапни на Министерството за одбрана поврзани со ова откритие. Д-р Мозер потврди дека проценката на брзината пријавена до НАСА е доволно точна за да укаже на меѓуѕвездена траекторија“, напиша Шо во своето писмо.
Командата е дел од Министерството за одбрана на САД и е одговорна за воени операции во вселената.
Меѓуѕвезден метеор е вселенска карпа што потекнува надвор од нашиот Сончев Систем, што претставува ретка појава.
извор: Агенција Анадолија (АА).
