Поранешниот премиер Љубчо Георгиевски вечерва во дебатниот магазин „Click Plus“ на ТВ21 праша зошто Бугарија сега сака да го „оживее“ Ванчо Михајлов, а пак претходно има покренато кривични пријави против него.
-Бугарија има покренато кривични пријави против Ванчо Михајлов, и ако истиот е контроверзен за некои, јас дури се чудам на бугарската политика како сега сака да го „оживее“ Ванчо Михајлов. Таа се фаќа за моментот на неговото национално самоизјаснување како Бугарин. Меѓутоа целата димензија за нив има нешто пострашно, а тоа е концептот не само на самостојна, туку и на обединета Македонија што го тангира директно нивниот Пирински дел за кои сега зборуваат дека некој од Македонија гаи некаква надеж, вели Георгиевски.
Според него, Михајлов имал поддршка од Бугарите.
„1903 година Ванчо Михајлов свикува еден голем собир каде ги собира сите претставници на ВМРО, сите претседатели на македонските братства и организации“, вели Георгиевски.
