Во земјавата нема мајмунски сипаници. Сомнежите беа расчистени откако синоќа, по четиридневна неизвесност, се доби негативен резултатот од тестот на кичевецот кој беше сомнителен дека е заразен со мајмунски сипаници.
Пациентот е негативен, нема потреба за понатамошна изолација, останува единствено да се третира за основната болест, но како ќе се третира и кога ќе биде укината изолацијата ќе одлучи Центарот за јавно здравке од Битола кој што го води здравствениот надзор – потврди за МИА портпаролот на Комисијата за заразни болести, Злате Мехмедовиќ.
И Министерството за здравство, синоќа, исто така соопшти дека од Институтот за јавно здравје се информирани дека резултатот од испитувањето на брисот земен од пациентот од Кичево суспектен на мајмунски сипаници е негативен.
Согласно податоците на Американскиот центар за контрола и превенција на болести (ЦДЦ), во светот до 9 август се пријавени вкупно 31800 случаи со мајмунски сипаници.
извор: МИА