Риши Сунак е новиот британски премиер откако Борис Џонсон се повлече од трката во неделата, велејќи дека сфатил дека иако има доволно поддршка за да се пласира во финалето, на земјата и на Конзервативната партија и е потребно единство.
Претходно оставка поднесе Лиз Трус, како премиер со најкраток мандат на таа функција.
Сунак првпат го привлече вниманието кон себе во земјата кога на 39-годишна возраст стана министер за финансии, а на таа позиција штотуку беше поставен од Борис Џонсон.
Сунак ќе биде првиот човек со темна кожа, првиот човек со азиско потекло и првиот Хинду кој ќе ја предводи Британија.
Неговата победа некои ја гледаат како победа на различностите и подоброто претставување во британската политика, во која доминираат постари белци.
Сунак (42) е роден во англискиот пристанишен град Саутемптон, а неговите родители се Индијци кои мигрирале во Британија од Источна Африка во 60-тите години. Сунак се школувал на колеџот Ванчестер. Потоа студирал филозофија, политика и економија (ППЕ) на колеџот Линколн, Оксфорд, а подоцна се стекнал со МБА на Универзитетот Стенфорд во Калифорнија како Фулбрајт стипендист. Додека студирал на Стенфорд, ја запознал својата идна сопруга Акшата Мурти, ќерката на Н.Р. Нарајана Мурти, милијардерот и индиски бизнисмен кој ја основал Инфосис.
Сунак и Мурти се 222. најбогати луѓе во Британија, со вкупно богатство од 730 милиони фунти заклучно со 2022 година.
Тој ќе биде и најмладиот премиер во повеќе од 200 години.
Богатството на Сунак беше редовна тема на разговор во текот на минатата лидерска кампања и најверојатно ќе биде повторно. Неговите мокасини Прада од 450 фунти и паметната шолја за кафе од 180 фунти предизвикаа критики дека поранешниот ученик од колеџот Вичестер не бил во контакт со реалните потреби.
Таквото богатство доведе до сомнеж кај Британците, кои сметаат дека Сунак е премногу богат за да ги разбере секојдневните потреби на гласачите.
Исто како што поранешниот лидер на Конзервативната партија, Борис Џонсон, беше цел на критики за неговиот начин на живот и контроверзните партиски припадности за време на пандемијата, случајот можеби нема да биде многу поинаков со новиот премиер.
Новото видео кое се појави на популарната платформа Тик Ток, каде Руши Сунак лудо се забавува на забава, собра речиси 8 милиони прегледи.
Во видеото подолу погледнете како го поминувал времето новиот британски премиер.
View this post on Instagram
faktor.mk