Не живееме во држава, туку во хорор филм, реагира актерот Сашо Тасевски, како и поголемиот дел од јавноста, по веста дека конечно се истражува криминалот на Клиниката за онкологија во Скопје, каде со години на пациенти им се ставал физиолошки раствор, наместо скапиот лек кој го плаќале илјадници евра, а кој наместо тоа бил препродаван во Косово.
Замисли, не дај боже, болен си од рак. Одиш да се лечиш државно зашто си плаќал цел живот здравствено.
И ти викаат а бе има еден лек може да те спаси, ама една ампула од него чини 2000 до 4000 евра. И ти желен да живееш продаваш стан имот да можеш да се лечиш, да купиш од тие ампулите. Плаќаш за нив
И пази сега…
Лекарска здружена банда наместо од тие ампули ти дава физиолошки раствор, а ампулите ги препродаваат на Косово, купени со наши пари.
А ти мислиш те лечат, додека полека се гасиш клетка по клетка.
Ова нешто во секој закон се нарекува УБИСТВО СО ПРЕДУМИСЛА.
Планирано масовно убиство за стекнување лична корист.
Ова се правело од 2018 година заедно со триста други дубари на онкологија. Деца и млади умирале во надеж дека ампулите ќе ги спасат а ги лечеле со мочка
Е до тука стигнавме.
За вакви организирани кривични дела против здравјето на луѓето во некои афрички и азиски држави се добива смртна казна.
Кај нас ќе се судат 10 години па ќе се бараат олеснителни околности, па грешка во процесот за да се поништи…. и така. Оти не сме ни во Африка. Нас треба да не префрлат на посебен нов континент што ќе го наречат ПСИХОПАТОЛОГИЈА. Скратено ПСИХО
Браво за новинарката Ирена Мулачка која го разоткри овој монструозен криминал. Ужас невиден. Не живееме во држава, туку во хорор филм.
