Реформата на основното образование ќе продолжи согласно предвидената динамика, затоа што ги дава очекуваните ефекти, соопштија денеска од Министерството за образование по средбата со претставниците на Синдикатот за образование, наука и култура кои се дел од наставничката фела од областа на географијата и засегнати од третата фаза од спроведувањето на реформата за основно образование.
„Предизвици постојат и тие се надминуваат преку заеднички пристап, а во меѓувреме секоја добронамерна сугестија која би можела да го олесни спроведувањето и да ја подигне нејзината ефикасност и ефективност, е добредојдена“, соопштија од МОН.
slobodnaevropa.mk