Во координирана акција на француската полиција спроведена низ целата земја, уапсени се 80 осомничени за педофилија, соопшти француската полиција.
Меѓу уапсените има престапници од сите општествени и професионални групи – двајца учители, спортски тренери, возач на брза помош и надзорник на дом за деца со попреченост, пренесува Фигаро.
„Апсењата беа извршени во 53 француски департмани, вклучително и две прекуморски територии. Апсењата не беа само на Корзика. Тие беа уапсени од речиси сите сфери на животот“, потврди полицискиот комесар Квентин Беван, координатор на операцијата и шеф на оперативниот центар. на полициската единица Офмин, формирана есенва.за борба против насилството врз децата, пишува Танјуг.
Според него, меѓу уапсените има и лица на возраст од 30 до над 60 години, од локални избраници до невработени, меѓу кои и високообразовани лица, инженери, наставници, спортски тренери и други.
„Во криминалот против децата не постои типичен криминален профил, ги наоѓаме сите социо-професионални категории. За оваа огромна операција, од досега невидени размери во Франција, полицијата таргетираше луѓе кои се во редовен контакт со деца“, рече Беван.
telegraf.rs
