Авион на романската национална авиокомпанија „Таром“ синоќа бил погоден од гром и морал да се врати на аеродромот во Букурешт, од каде што полетал, јавува ТВ Диги 24.
Веб-страницата Бординг-пас објави дека авионот „Таром“ полетал во 22:10 часот по романско (и бугарско) од аеродромот Отопени во Букурешт кон главниот град на Молдавија – Кишињев, но еден час подоцна на средината на патувањето, пилотите пријавиле дека морале да се вратат назад поради техничка неисправност предизвикана од удар на гром.
Вонредното слетување се случило без инциденти, а патниците биле качени во друг авион кој полетал половина час по полноќ, јави БТА.
Летот од Букурешт до Кишињев трае еден час и десет минути, објаснува Диги 24.
