Бројот на повредени во земјотресот со јачина од 7,2 степени во Тајван денеска се искачи на 1.038, бројот на загинати се уште е 9, додека 42 работници во хотел се водат како исчезнати.
Работниците во моментот на земјотресот биле на пат од Хуалиен кон Националниот парк Тароко, а командниот центар за кризни ситуации објавил дека потрагата по нив била главна цел, пренесува Ројтерс.
Планот е да се испратат беспилотни летала и хеликоптери за да помогнат во потрагата по работниците и, доколку се најдат, да им се достават материјали што е можно поскоро.
Шест лица се спасени со хеликоптер од рударската област.
telegraf.rs