Најмалку 63 луѓе загинаа, а околу 40 се повредени во вчерашната експлозија во илегален рудник за злато во југозападниот дел на Буркина Фасо, соопшти државната телевизија, пренесуваат западни медиуми. Според болнички извори бројот на повредените е над 70 лица.
Властите информираа дека едно лице е уапсено под обвинение за убиство од небрежност. – Се надеваме дека ова лице ќе може да даде објаснување за околностите и причините за експлозијата, рече државниот обвинител.
Експлозијата се случи во таен рудник за злато во Гомгомбиро. Локален жител рече дека тоа се случило во област што се користела за складирање на шверцувани стапчиња динамит, но служела и како пазар за рударите.
Around 60 people have died and dozens more been injured after a blast at an informal gold mine in southwestern Burkina Faso. @nnekachile has more. This report contains some graphic images. pic.twitter.com/q6aH5Spon0
— Reuters Africa (@ReutersAfrica) February 22, 2022
извор/фото: агенции
