Тетовски регион
По обилните врнежи вчера што го зафати Тетово и околината денеска е мирно и стабилно. Преку целата ноќ и раните утрински часови на ЈКП Tетово и ТППЕ Tетово работеа на нормализирање на состојбата во Тетово и околните населени места. Како резултат на тоа улиците се исчистени и проодни за сообраќај за сите локлани и регионални патни правци. На поедини делови од коловозите има остатоци на мали количини кал, но истиот не го попречува нормалното одвивање на сообраќајот. Исто така екипите од ЈКП Тетово и ТППЕ Тетово преку ноќта ја испумпуваа водатат навлезена во подрумии и гаражи. Од СВР Тетово известуваат дека патот што води до село Џермо патот е прооден. Влезот на Тетово кај Палма Трејд подвожњакот е прооден за возила. На подвожњакот кај Село Фалише што вчера беше поплавен останат е еден автомобил кој не е во исправна состојба. Истиот од страна на пајак службата на ЈКП Тетово е подигнат и пренесен на соодветна локација и патот е прооден за сообраќајот. Во селото Мала Речица-Тетово патниот правец е прооден и од ЈКП Тетово се на терен до целосно чистење на поплавите предизвикани од врнежите.
ТППЕ Тетово се на терен со едно возило и 3 пожарникари, интервенираат во улица 146 за да ја испумпуваат водата навлезена во подрум. За денешниот ден со цел подобра комуникација и организација за надминување на штетата од невремето закажан е состонок на Кризниот Штаб во Општина Тетово.
Во општина Боговиње вчера вечер имало поплава на влезот на селото Палчиште – општина Боговиње со што е интервенирано со еден багер и патот е исчистено од поплавите и е прооден за сообраќајот. Нема прекин на електрична енергија.
Во општина Јегуновце како резултат на невремето во текот на вчерашниот ден без напојување на електрична енергија во времетраење од 1 час било селото Јажинце.
Винички регион
Поради силното невреме кое ја зафати територијата на општина Виница на ден 22.08.2022 година, екипи на ТППЕ Виница биле на терен до 23.00 часот, при што имале вкупно 20 интервенции, претежно на деловни објекти и училишта. Во најголем дел штетите се санирани, а во моментот се на терен со 2 пумпи и 3 пожарникари на пријава на 1 деловен објект.
Градоначалникот на на Општина Виница известува за почеток на пријава на штети во службите на Општина Виница, како и брзо интервенирање на комисијата за процена на штети, при што најавен е и состанок на Општинскиот кризен штаб.
Екипа на ЈП„Солидарност„ Виница со 1 возило и 3 лица се на терен за санирање на затнати водотеци на реките и шахтите, како и чистење на наноси од улиците. Пријавена е и интервенција на поединци со сопствени пумпи за санирање на поплавени подруми. ДЗС ПО Виница преотстапи 3 пумпи на ТППЕ Виница во период на траење на интервенциите.
Прилепски регион
Од ЕЛС Долнени информираат дека состојбата во поплавените населени места полека се нормализира. Електро снабдувањето и водоснабдувањето се нормални.
Во с.Лажани, општина Долнени според последните информации поплавени се околу 40 куќи (поплавени се дворните места, подрумски и приземни простории). Моментално се работи на санирање на штетите и испумпување на водата од поплавените простории.
Во текот на денот ќе биде извршено согледување на потребните дополнителни материјално-технички средства за надминување на оваа состојба од страна на Градоначалникот на ЕЛС Долнени, општинските служби и ДЗС Прилеп.
До овој момент барања од ЕЛС Долнени до ЦУК нема.
извор: ЦУК