Претседателот на Русија, Владимир Путин синоќа во специјално обраќање до граѓаните на Русија објави дека донел одлука за започнување на специјална воена операција, при тоа додавајќи дека во плановите на Русија не е окупација на Украина. Но, западните медиуми тврдат дека Русија ја започнала офанзивата со четири или повеќе точки, а нападот врз Украина започнал од правец на Белорусија.
На выезде из Киева многокилометровые пробки, люди уезжают из города, передает корреспондент The Insider. pic.twitter.com/hhRk4y4Kvj
— The Insider (@the_ins_ru) February 24, 2022
Во Киев се слушнаа сирени и експлозии, а цивилите се принудени брановидно да се движат кон запад.
Според RT, колоните пред банкоматите се безконечни како колоните од автомобили кои се обидуваат да заминат од главниот град на Украина.
Излез од градот е можно само по копнен пат, бидејќи воздушниот простор е затворен за цивилни летови од рано изутрина.
Исто така, Министерството за инфраструктура соопшти дека сите патници се евакуирани од Бориспол, најголемиот меѓународен аеродром во Украина. Инаку, тој аеродром рано утринава беше цел на рускиот напад.
Huge traffic jams as people look to flee the Ukraine capital Kiev#UkraineWar pic.twitter.com/PAQ6XCk5pv
— IndSamachar News (@Indsamachar) February 24, 2022
Последните информации се дека дошло до голема експлозија во централна Украина откако руските сили го бомбардирале центарот за складирање на украинската војска.
