Можната нестабилност на мостот надвозник кај Визбегово, Скопско, како и парчиња бетон што висат од него претставуваат опасност за луѓето и возилата што се движат по него, но уште повеќе за тие што се движат под него, предупредуваат од Центарот за управување со кризи.
„Во неколку наврати побаравме интервенција од надлежните институции, но опасноста сѐ уште не е отстранета. Денеска повторно јавно ги повикавме надлежните институции, но и медиумите и граѓаните. Институциите да реагираат, медиумите дополнително да истражат и информираат, а граѓаните да пријават каква било опасност на бројот 112. За нас од ЦУК, безбедноста на граѓаните секогаш е на прво место. Сејфти фрст“, изјави Стојанче Ангелов, директорот на ЦУК.
извор: ЦУК
